اخــر الايآمـ } ..

×× امتحـــآن الاحيــآء (( اخر الايامـ ))××

×× احلـى حصهـ بحـــياااتي وهـي حصه الاحياء هذي الابلهـ وحليلهـآ مال المقصهـ اخر الايام ,
كانت تمتحنا واضن هذا الامتحان السابع انه السادس والله مااذكر اوكيه ,, ع العموم انا طبعا يايه هب مذاكره ومعتمدهـ ع الغش يقولكم يطولي بعماركم الحصه الاولى و الثانيه والثالثه ونحن مسطنين علينا رياضيات ماصدقت انا ووحدهـ من الشلهـ من دق الجرس طلعنا ويت ابلهـ الاحيـآء وامتحنت البنات وانا وماي فرند مامتحنا يو الشلهـ الباقيهـ وقالولي انهم امتحنوا انا
سرت عند الابله وقلتها ابله متى بتمنحن ؟ قالت خلاص قات دورج مابتمتحني >> هاجذه الابله ترمس وانا ميته من الضحك وهي الابله تمتحن البنات امتحان اداء عملي جان اتقوم وحده من الربع وبندت الليت مال المختبر وقامت وحدهـ من الشله وشغلت المراوح واتعصب الابله علينا واتشلني من قمت راسي واتشوتني برع وانا منفجره من الضحك وعقب سرت عند الابله عسب اخليها تمتحني وقالت بمتحنج الحصه الخامسه وفـ صف عاشر 3 قلتلها اوك وانا مثل ماقلتلكم انا هب مذاكرهـ فسرت وانا ويايه ثلاث بنات وكنت معتمدهـ ع انه نونو اتغششني بس شو سوت امتحنت وانا يالسه احذال الدريشه والدريشه امبطلهـ يت نونو اونها بتغششني ,, وعششتني اول سؤال وزختني الابله وقالت (( اصلن انتي مافيش احترا الي كبرش مايغش والغش حرام ومابتمتحني وبتاخذي صفر )) ونونو وحليلها ادور لي اجابه السؤال الثاني وانا واقفه ويا الباقين وهي وحليلها شادهـ حيلها ادور الاجابات انصدمت يوم شافتني وقالت لي انتي شو طلعج انا قلتلج لا تظهرين جان اقوللها لا حوبي الابله زختني وانا اغش وظهرتني قالت الله غربلها ،، وعقب سرت انا وست بنات عند الابله ويلسوا يرمسونها عسب امتحن جان اتقول طمطوم ابله ابو فلانه فـ الاداره ويتنازع (( يعني باباتي )) ويقول خلها بسرعه تمتحن لانها بتسير البيت جان اقوللها هي ابله باباتي برع ومعصب يلالا ابغي امتحن قالت (( عظيني رقم ابوش وانا بكلمهـ )) قلتلها لالا ماينفع بابا مايرمس حريم وقالت (( انتي مافيش احترام )) وطلعت وانا اضحك والبنات ميتين من الضحك ..